Nampi panganten

ARMINAREKA BEKASI

Biro Perjalanan Umrah & Haji Plus

 Beranda ▼

Rabu, 25 September 2013

Nampi Panganten Versi 1

NAMPIKEUN PANGANTEN SUNDA




Puja nu janten pangedal rasa kasanggakeun kahadirat Alloh SWT wirehing ngalangkungan widi mante-Na dina danget ieu urang sadaya tiasa ditepangkeun sillaturrahim ngalangkungan acara anu baris limangsung jatukramina cep ……. Putrana ti pangersa bapa …… miwah ibu ……. Ka neng ……. Putri ….. ti pangersa bapa ……. Miwah ibu ……. Harepan anu ageung mudah - mudahan urang sadaya dina danget ieu digunturan rohmat , magfiroh Alloh SWT , Amiiin Ya Robbal Alamiin.

Sholawat sinareng salam pamugi salamina kahaturkeun ka panutan alam junjunan urang sadaya kanjeng nabi Muhammad SAW , kairing para kulawargina , para sahabatna , tug dugi ka ummatna anu salamina turut tumut kana ajaran Mantenna dugi ka poe qiamah.

Para sepuh ,pini sepuh hormateun simkuring 

Purwa pamaksadan simkuring neda widi sasanggem ngabantun asmana sohibul bait pangersa bapa ….. miwah ibu ….. ,tipayun neda tawaquf saupami basa simkuring kirang merenah , kirang tata , titi , duduga ,sareng peryoga kawantu simkuring sanes ahlina.

Salajengna , simkuring asmana sohibul bait kairing sakadang wargi nu aya di dieu ngahaturkeun AHLAN WA SAHLAN WA MARHABAN BIQUDUMIKUM , bagea wilujeng sumping , sumping kalayan nu diaping , ngaping kairing rasaning galih nu wening , gebrayna muka payung lain mukakeun sagawayah , mukakeun rasa kabungah , mayungan nu rawuh cunduk geubray mukakeun lawang kabagjaan .

Dina danget ieu simkuring ngaraos bingah amarwata suta , bingah kagiri-giri , kabingahan nu taya papadana , wirehing para tatamu nu ditunggu ti kapungkur , nu dianti ti bihari , nu diantos ti bareto kiwari cunduk sumping . Da tadi mah sakedapan simkuring parantos gelisah , utamina pun anak neng …. Katawis pisan gelisahna , malih teu sadar ngajorowok kieu ; kang ……. Tidakkah kau rasakeun seperti yang aku rasakan saat ini ? .Malih nalika ningal abringan manuk  pun anak  ngajorowok deui : wahai ….. serombongan burung yang terbang siapakah diantara kalian yang akan meminjamkan sayapnya agar  aku dapat menjumpai kekasihku kang……..

Namun Alhamdulillah cunduk waktu ninggang mangsana , kersana besan kairing rombongan kiwari cunduk sumping , namun pamugi ageung tawaqupna wirehing kabingahan simkuring dina danget ieu heunteu disarengan ku panampian anu utami ilaharna katatamuan ,hal ieu tangtos kadar kamampuan simkuring mung sakieu buktosna .

Para sepuh , pii sepuh hormateun simkuring

Kedal lisan pamaksadan anu nembe kahaturkeun istuning natrat , eces jentre kahartos ku urang sadayana , manawi ku simkuring tiasa disimpulkeun kasumpingan para tatamu anu jauh dijugjug , anggang hamo diteang , teu aya sanes saurna nyandak tilu pamaksadan anu utami :

Anu kahiji sanggemna seja nyanggakeun sillaturrahmi . Alhamdulillah ku simkuring ditampi . Leres pisan diantawis para tatamu sareng  simkuring sadaya nu araya di dieu masih keneh aya tatali saagami , kebeungkeut dina hiji aqidah  anu sarua dina kalimat 2 kalimat syahadat , alloh SWT ngadawuhkeun INNAMAL MU’MINUUNA  IKHWAH ,  saestuna diantawis papada mu’min eta masih baraya. Kalayan harepan anu ageung ngalangkungan sillaturrahim dina danget ieu janten hiji wasilah tausiqul ukhwah wal wahdah , langkung kiatna tatali wargi sareng persatuan diantawis papada ummat islam .

Anu kaduana sanggemna , kersana ki besan kairing rombongan ngeungkeuy ngalet ngabandalet , ngemat – ngemat nyatang pinang , teu aya sanes seja nohonan janji anu parantos pasini , nyambungkeun carita anu katunda , wireh dina sawatara waktos kalangkung cep …. Sareng neng ….. diwuwuh ku sepuhna sewang – sewangan parantos ngayakeun hiji babadamian seja ngahijikeun tatali ati ku pamatri asih , mengket kadeudeuh ku kameumeut , geusan mungkas mangsa lalagasan sewang – sewangan . Patali hal eta simkuring asmana sepuhna neng ….. pangersa bapa …… miwah ibu ….. seja nampi cep …… kalayan insya alloh sakedapan deui baris diistrenan.

Salajengna , saupami tadi kersana kasepuhan ti pihak besan parantos tumada kana kaayaan cep …. , pon nyakitu deui kaayaan neng ….. sanaos ditingal tina waruga mah katingal parantos dewasa , yuswa parantos nyekapan kana jatukrami , tapi istu masih keneh atah , meryogikeun kana bimbingan sareng atikan utamina kanggo mayunan kahirupan rumah tangga , nya dina danget ieu pisan simkuring asmana sepuhna neng ….. neda ka kersana besan pamugi ulah kendat miwurukan , harepan anu ageung tiasa ngahontal kahirupan rumah tangga anu sakinah , mawaddah , warohmah . amiin ya robbal alamiin .

Anu katiluna sanggemna , seja nyanggakeun tawis kadeudeuh tilam katresna kanggo neng …..khususna oge kanggo sepuhna mangrupi barang cacandakan , ku simkuring disuhun dina emun - emunan , kalayan ngahaturkeun jazakumullohu ahsanal jazaa , mudah – mudahan sadaya rupi kasaean anu parantos kahaturkeun kenging pangwales ti Alloh SWT . Sanaos kanggo simkuring mah ku kasumpingan kersana besan ge tos mangrupikeun kabingahan anu taya papadana. Malih saur neng …….. kieu ‘’ lain beruang lain kudana , meuli beas ka pondok gede , lain uang lain bawana , nu penting nyandak nu heuras jeung nu gede , wios kangkung teu ti yogya , asal dijingjing kana kardus , wios salira heunteu ringkung heunteu bawa , asal abdi abdi tiap enjing tiasa adus , wios kangkung teu ti yogya , asal paranjang gagangna , wios salira heunteu ringkung , heunteu bawana , asal panjang gagaduhannana.

Rupina kedal lisan panampian dicekapkeun sakitu , sateuacan simkuring mungkur pamit neda ageung pangapunten tina tutur catur nu teu kaukur , basa anu pasalia , teu nincak kana undak usuk basana ,. Kawantu simkuring sanes ahlina. Mudah – mudahan dua panganten anu sakedapan deui baris diistrenan tiasa ngahontal hiji kahirupan rumah tangga anu sakinah , mawaddah , warohmah .

Wabillahi taufiq wal hidayah , wassalamu alaikum wr.Wb

adi haryadi di 18.46

Berbagi

 

Tidak ada komentar:

Posting Komentar

‹

›

Beranda

Lihat versi web

Diberdayakan oleh Blogger.

Mengenai Saya

adi haryadi 

Lihat profil lengkapku

Seren sumeren panganten

BUBUKA

Assalamua’laikum Wr. Wb.

Bapak-bapak, Ibu-ibu para wargi sadayana anu sami llinggih, hormateun simkuring.

Sakumaha ka uninga ku sadayana, Alhamdulillah calon panganten pameget miwah rombongan parantos sumping ngaleut ngengkeuy ngabandaleut,ngembat-ngembat nyatang pinang. Bismilah, purwa wiwitan ieu pamuka carita minangka pamuka acara.Babasan padika pagawean lamun nangtung ka jungjunan, sing lulus bantun jeung tumbu buah seureuhna.Neda panyaksen acara bade dikawitan.

MAPAG CALON PANGANTEN PAMEGET

Pangersa calon panganten pameget miwah rombongan.Jagong tuhur meunang ngunun haturan wilujeng sumping, di sugeng ing pucu galuh kelurahankatelahna,tempat anyar pangharepan sarakan keur kahirupan kulawargi.Calon panganten Istri, bisi si jalu hanjelu si lanang honcewang, sumangga geura hayap calon panganten pameget miwah rombongan.

PANGALUNGAN MANGLE

Tawis panampian tatamu, tanda kameumeut, kadeudeuh, tawis asih ti kakasih, tanda tresna kanyaah, mangga geura kalungkeun eta mangle tawis pangrungrum hate perseka kabersihan manah (mangle di kalungkeun).Haturan wilujeng sumping kacalon  panganten pameget. Tutut gunung keong reuma, sumangga geura gek calik.
SESERAHAN

Bismillahhirrahman nirahim


Para hadirin, miwah para tatamu sadayana, khususna ka calon panganten  pameget miwah rombongan, bawi raos emutan pribados, pamali mun dilami-lami, teu kedah dilila-lila, nu dianti-anti ti tatadi,di dago-dago ti bareto, ayeuna parantos nyampak. Sok sanaos sami surti, sami uninga maksadna, nanging, kanggo nyumponan tindak tanduk tata titi duduga. Peryoga manusa pangesi dunya, anu parantos dipaparinan manah, rasa, lisan dina saliring dumadi.Teu cekap ku surti sareng tekad wungkul, namung kedah di sarengan ku ucap .

Teu sae miulan awi, mere cai geusan mandi, mere huhut tina guguran.Namung kedah di bejer beaskeun,kembang boled nu tetela.

Para hadirin miwah para tatamu sadayana, acara urang kawitan ku lantunan kalam ilahi nu bade di lantunkeun ku ____________________________

Ngahaturkeun nuhun ka ____________________ Nuparantos ngalantunkeun kumandang kalam ilahi, mudah-mudahan ageung manfaatna kanggo numaoskeun khususna, umumna ka urang sadaya anu sami-sami ngupingkeun. ”amin”.

Calon panganten pameget miwah rombongan, mugi teu janten kekeling galih renghat nya mamnahan, aya naon nya pamaksadan. Numawi jauh-jauh di jugjug anggang-anggang di teang. Sumangga geura wakcakeun masing balaka (Sumangga ka pangersa kasepuhan calon panganten pameget dihaturanan kapayun kanggo ngadugikeun lebetning kalbu jeroning ati).

PANAMPIAN

Para wargi sadayana, nembe sami-sami nyakseni gerentes kalbu kasepuhan ti pihak calon panganten pameget miwah rombongan. Lain lantung tambuh laku sanes lunta tanpa seja, purwa aya nu di maksad, seja ngaitkeun janji pasini , manjangkeun simpai babarayaan, sakotretna tina hate. 

Sakeser daun satangkal, sabungkus bareng jeng bungkusna nyerahkeun panganten pameget sareng cacandakanna. Sim kuring saukur darma, teu wasa  panjang carita. Kanggo pang walerna mangga nyanggakeun kanu di sepuhkeun ti pihak calon panganten Istri.Waktos di sayogikeun.


Para wargi sadayana, bingah amarwata suta, bingah ka giri-giri, bingah nu taya papadana. Nugar cadas mangih emas, mobok manggih gorowong, aya jalan komo mentas. Jalan gede sasapuan batu turun kesik naek, itu purun ieu daek, laksana nya pamaksadan.

Kumargi eta mangga geura hayap calon panganten pameget miwah cacandakanana 

Mangga cacandakan hiji di dugikeun secara simbolis ku Ibu calon panganten pameget di tampi ku Ibu calon panganten istri.Nusanes namah di antaykeun wae.

(Mangga calon  panganten pameget di candak kalebet heula kangge di dangdosan).
AKAD NIKAH

Para wargi sadayana,


Niti wanci nu mustari, ninggang mangsa nu waluya. Malati ligar na ati, campaka mangkak na dada, koleak sakembaran, koceak ninggang ugana.Uga pakaitna tatali asih Ng_____________cep __________________.

Jangji urang pastikeun subaya urang nyatakeun. Nudiseja mang nyata neda panyakseni ti  para wargi sadayana, Upacara akad nikah seja dikawitan.(Mangga candak calon panganten istri ka luar).

Sumangga ka pangersa bapa petugas ti Kantor Urusan Agama kanggo ngalaksanakeun Akad Tikah...........................................................

Alhamdulillah wa sukrulillah kalawan rido gusti anu maha welas  tur nu maha asih, oge pangdu’a ti sadayana, akad nikah parantos rengse kalayan lancar.

Acara salajengna di teraskeun kana sungkeman.(Mangga ieu acara disanggakeun kka pangersa_____________________)

DO’A 

Acara munggaran dugi ka akhir parantos rengse, mugi urang sadayana aya dina panangtayungan Gusti nu maha suci. Kukituna kanggo panganteb kahoyong urang sadaya di lajengkeun kana do’a.Kangge mimpin ieu do’a. mangga ka pangersa __________________ di haturanan.

Ti pribados salaku pangatur waktos, bilih aya basa nu teu sampurna, teu merenah sareng tata titi,undak unduk basa, hapunten anu di teda. Urang pungkas ieu acara ku maos hamdalah

Wabillahi taufiq wal hidayah Wassalamualaikum Wr. Wb.

Demikian contoh teks untuk pembawa acara resepsi pernikahan dalam bahasa sunda. Untuk yang ingin mencobanya teks tersebut bisa dijadikan acuan. Semoga bermanfaat.